Last
Week
Week
Before
Week
Before Dat
All
de res ah dem
DE
DIARY
|
A pessimist is someone who complains about the
noise when opportunity knocks.
-Michael Levine |
|
Vintage Imports
presents
Delicious French Liqueurs and Brandy: Creme de Menthe, Noisette, Amareto,
Orange Curacao, Parfait Triple Sec, Prunes in Liqueur - (in bottles and jars), Cherries in Liqueur - (in bottles and jars), Amande au Cognac. Lots of bubbly too - French Sparkling Wines and Champagnes, and all kinds
of other items like cocktails stirerrs, etc. Visit us at 42 Hunter Street, Woodbrook - 628-4592.
GL Pouchet and Company Ltd
Property Management Services.
- Rent collection and deposit
- Supervision of minor
maintenance repairs
- Payment of statutory bills
- Monitoring payment of utility
bills
- Half-yearly financial and
progress reports
A fee of 10% of the rental
income is charged for this service; please call Frances on 637 9732 for further
information.
FOR RENT:
Harbour View - West Moorings.
Apartment with all appliances.
2 bathrooms, 2 bedrooms, unfurnished.
Gated compound. US$1,000.00.
Call Ingrid 623-3444
|
|
TANTIE TALK:
Dis past week Tantie's family and dem did have cause to do some renovations pon de
house. Well, yuh know dis did mean it had plumber, joiner, welder all over de
house. Yes, it wus only man. Tantie cyar unnerstan' why it eh have more woman
doing dis kinda ting. Because yuh know, when it come to doing ting right and making
ting look good, woman is boss!
But anyway, yuh ever really check to de talk 'bout life, politics and every odder
ting under de sun dat does be passing wid dese fellas when dey wukking? Now, doh
get mih wrong. Dem fellas really put down ah good wuk. Each one ah dem is ah real
craftsman in dey trade. Dey taking dey time and triple checking every measurement
before dey cut or weld or glue anyting and yuh could see dey real take pride in dey
work. Dey eh fraid wuk and de only thing dey eh fraid less dan wuk is talk....
anyting could set dem orf talking. One man yawn, de nex one want to know why it is
he eh get enough sleep last night... and before the answer could come, he done start
to provide he own version of what never happen .. with full embellishments.
Dis of course have nuttin to do wid de running commentary while wukking. Dese
monologues does jes materialise. What yuh though wus ah hum suddenly turn into ah
full scale "conversation-wid-self"... and while mainly concerning de task at hand, could
turn out to be on any topic under de sun - banal to benign. Dey have solutions to every problem dat ever wus, is, or will be ... and freely, flowingly
dispense advice as if lecturing to a rapt audience, all de while not missing ah beat
wid what dey wukking orn. But de real interesting ting is to step back and really
watch de personalities. Mr.V (de welder) is de life ah de party. Neither he nor he
mout doh stop at all. And when yuh find he mout stop, mih boy does break into ah
dance. Yuh swear he in de Independence Ball down at SWWTU instead ah gliding between ah setta ole steel and ah welding plant. Gih he ah radio wid music and he
good.
Mr.B (de joiner) is de total opposite. Yuh could walk past him and not even know he
dere. He letting his hands so de talking. He totally laid back. But doh feel when
de picong passing he cyar hold he own. Yuh watch him and yuh swear he eh move from
de spot in de last 2 hours, but yet it have ah whole cupboard get put up and yuh eh
know when it happen. Mr.H (de all rounder) is de right centre-point fuh de both ah
dem. He is de "youth" in de bunch wid ah excellent fuh de female form ... and chat
to suit. He and Mr.V is good pardners, and as a result, he is de beneficiary of
reams of advice, warranted or not. He also eh backward when de picong passing and
while dis kinda wuk is not he specialty, he eh brakesing from it at all. He go tek
all de ole chat fuh now because he know when de time come, de garden is he own and
not ah man jack could advise him bout dat.
Leh we not forget Mr.M (de plumber). He real come like de Ghost Who Walks. He doh
be dere all de time but suddenly he dere, he does do he stuff ... and buss it. It
doh have time to gih he no fatigue. Not dat dey might want to try wid he size. But
he jes doh be around long enough fuh dem to warm dey mout up. When yuh see dese
fellas wukking, and den yuh tek time to talk to dem, yuh realise dat never mind de
nonsense what going orn in dis town, yuh know Trini go survive. We eh all Tricki-dadians. We eh all lazy, good-fuh-nuttin dat fraid wuk. All it take is fuh
de de "leaders" to realise what we have, what is our biggest natural resource - we
people - and fuh dem to seriously invest and believe in us.
It look like is only we de people dat remember de national watchwords are: DISCIPLINE, TOLERANCE, PRODUCTION.
Tell Tantie: tantie@trinidiary.com
|
Get
TriniDiary delivered!
We still keeping de plain text
version ah Trinidiary, so doh frighten dat yuh mailbox go full up wid no
setta big, big emails and dem.
|
|
