Tantie Talk
So, allyuh ready for de main event? Yuh get plenty time to warm-up
properly dis year, so yuh cyant complain on de road at all. In fact tings seem to
be more than jes warm of late, not only in T&T but de world at large.
It doh seem to matter where yuh look is a whole setta guffing up going on,
and wid dat, nobody ent sure what go be happening next and dey 'fraid to
go anywhere...and it worse if dey decide to look up de 'travel advisory'
fuh where dey was planning to go. Yuh ever read dem thing? What people
doh unnerstan' is dem thing ALWAYS dere...is jes dat sometimes dey does get
update lil regular if things hotting up in a particular country, which is
what did happen to T&T, but as usual people here did get all workup because
dey feel it was a new, special something dat did get issue.
An' wid dat outta de way, is now time fuh de Tantie Travel Advisory.
Trinidad and Tobago
Carnival 2003 Update
SUMMARY
Most of de time visits to T&T it go be trouble free, but dat doh mean yuh
mus get on dotish an' not walk wid yuh common sense. As fuh de ole talk
'bout "terror threat" yuh likely to be in more danger from Machel & Xtatik
than any Muslim Fanatic.
On de Road
As long as yuh doh do anything too XSessive yuh go be OK...never mind de
ads fuh products dat want yuh to do jes dat. When yuh driving remember to
drive on de right side of de road...NOT de right-hand side of de road.
Most of de roads have names an' de one way streets have signs...but, it
have one street dat have no way, no how, except after hours and on weekends
but if I tell yuh where it is de people controlling de street might feel I
compromising security and wonder if I is Tantie bin Laden.
Seeing de Light
Try to avoid dark and lonely places...yuh might jes endup wid some strange
bedfellows or even a politician or two. Doh take on de 'instructions' dat
coming wid de music...yuh might ketch yuhself on a murder charge, an yuh
ent go be able to afford no lawyer after paying for yuh genuine, authentic,
Trini made-in-china-bikini-dat-want-to-be-a-costume-when-it-grow-up.
Showtime
Doh go to any Carnival Show an' expect it to start on time, doh feel dat
jes because yuh have a ticket AND it have a number yuh go get a seat...if
yuh want one, get in de place early and defend yuh seat. An' if yuh get
comfy in yuh seat I hope yuh could be comfy wid de results too, because dem
judges does defy logic all how...is like dem was running de last US election.
Pharmaceuticals
Doh be a mook and go looking to buy spliffs...jes walk dong de road while
breathing deep, yuh go save yuh money and stay outta jail. If is grass
yuh want, yuh could still find some in de Savannah...and yuh wouldn' even
have to dig up de CJ Parkway.
Conclusion
Jes like anywhere else in de world T&T go be as nice as you make it. If
yuh come out to look for de worse we have, yuh go find it. If yuh want to
come, "lime. wine and have a good time" playing yuh mas, we only too glad
to help yuh enjoy yuhself. At least we do have no engine-dropping trains,
and we still ent charging for we traffic congestion. And when we trying to
'mash up de place', and hot things up most of us doh burn it to de ground
along wid de audience...yet. We still could live and let live, we still
believe in innocent until proven guilty...and we doh need to drown yuh to
prove yuh really wan't a witch.
We going to have a whole setta ole noise and bacchanal in de place over de
nex week, but when WE dust settle, we go be hopefully still living in peace
and not watching WWIII on TV.
:+:+:+:+:+:+:+::+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:+:
BACKCHAT: Issue 7
What's this I'm hearing about the song by Wanksie calling for action
against gays and lesbians? I don't know what the situation is like in
Antigua with regards to attitudes towards homosexuals but I know Trinidad
is better than that. We have a gay community that supplies some of the
best of Carnival. Should we really be supporting a foreign artiste that is
insulting some of our best and brightest?
//T&T
We do enjoy receiving your news letter of events and news in our beloved Trinidad and Tobago.
//Canada
|
|
TASA
FETE!!
The Art Support Alliance's 11th Annual All-Inclusive Fete for the Arts at
the new Queen's Hall Carpark on Sunday 2nd March from 1:00pm to 8:00pm.
Music by Imij & Company, Roots and DJ Mega Force with Trinidad Nostalgic
pan round d neck and Malick Tassa Drummers. Contribution: $275
For tickets, contact - Allison: 637-1016; Val: 663-1753;
Jennifer: 750-3264; Martin's: 623-7632 |
Private
Holiday Villa. Tobago
Ease orf de strain, and lorse seven years while yuh dey.
Exclusive accommodation in three connected living areas for
family, parents and gran's comfort. Unique pool, spa, barbeque.
Maid service. Sleeps 8 adults.
Local Information - TT:+(1868) 622-3368.
Email: tigapos@tstt.net.tt
See website: www.btinternet.com/~windsockview
Doh wait, Organise yuh family and go! |
Hilton Carnival Jump-Up
Get a real start to your Carnival Weekend at our Poolside Jump-ups on
Saturday 1 and Sunday 2, March. Entertainment includes, Traffik, Blue
Ventures, Allison Hinds, DJ Crosby and more. Tickets on Saturday are
$115.00 and Sunday $125.00. All tickets bought before February 25th are
$25.00 less. |
Michael Baker's (CMB) apartments, Tobago. Self contained, kitchenette,
hot & cold, cable TV. TT$75 per person. Two hour show, World class
entertainment (calypso, reggae, ballads, oldies) One man band.
Michael Baker's CD 2002 "one Aspiration" available.
Call 868-639-8243(home) ... 868-681-9717(mobile)
EMAIL: mbaker@visittobago.gov.tt
Daneil Trace Carnbee,
Tobago W.I. |
Kids' Chess Classes every Sunday at Complete Technology Solutions, 120
Montrose Main Road, Chaguanas. Learn to play the game of kings.
Call 773-2264 or email P.Polar@cabi.org. |
|
|
Trinidiary
PO Box 972,
Port of Spain, Trinidad
tantie@trinidiary.com
Tel: 868 637
7895
Fax: 868 622 6878
|
All
de Tantie Talk
back issues
|
Advertise - tantie@trinidiary.com
from each Tuesday for
7 days on the web
and in the weekly newsletter **delivered to 11,000+ readers for a mere
TT $100 (50 words or less)
|
